Monday, February 20, 2012

ശിവരാത്രി - ലേഖനം

ഹിന്ദുമതവിശ്വാസികൾ ആഘോഷിക്കുന്ന ഒരു ആഘോഷമാണു ശിവരാത്രി അഥവാ മഹാശിവരാത്രി എന്ന പേരിൽ അറിയപ്പെടുന്നത്.കുംഭമാസത്തിലെ കൃഷ്ണ പക്ഷത്തിലെ പതിമൂന്നാം രാവിലും, പതിനാലാം ദിനത്തിന്റെ പകലുമായാണു ഇത് ആഘോഷിക്കുന്നത്. ശിവഭക്തർക്ക് ഏറെ പ്രാധാന്യമുള്ള ഒരു ആഘോഷമാണിത്. കൂവ്വളത്തിൻറെ ഇലകൾ ശിവൻ അർപ്പിക്കുന്നതും ഉപവാസം അനുഷ്ടിക്കുന്നതും രാത്രിയിൽ ഉറക്കമിളച്ചിരുന്നു ശിവനെ ഭജിക്കുന്നതും , ശിവലിംഗങ്ങളെ പാലും , തേനും കൊണ്ട് അഭിഷേകം ചെയ്യുന്നതും ഈ ആഘോഷങ്ങളിൽ ദർശ്ശിക്കാവുന്നതാണു.
    വടക്കേ ഇന്ത്യയുടെ ചില ഭാഗങ്ങളിലും, നേപ്പാളിലും ഈ ദിവസത്തിൽ കഞ്ചാവ് ചേർത്തുള്ള ലസ്സി ഉണ്ടാക്കി ഭക്തർ കുടിക്കുന്നു. ശിവൻറെ ഇഷ്ടപാനീയമാണിതെന്നാണു പരക്കെ വിശ്വസിക്കുന്നത്.
     ശിവരാത്രിയെന്നാൽ ശിവൻറെ രാത്രിയാണെന്നും, അന്നാണു ശിവൻ പാർവ്വതി കല്ല്യാണം കഴിച്ചതെന്നും വിശ്വസിക്കപ്പെടുന്നു. ഈ ദിവസം പല വിശ്വാസികളും ഒരു തുള്ളി ജലം പോലും കഴിക്കാതെ ഉപവസിക്കുന്നഅതോടൊപ്പം, രാത്രി ഉറങ്ങാതെയിരുന്നു ശിവലിംഗത്തിൽ പാലഭിക്ഷേകം നടത്തുകയും ചെയ്ത് വരുന്നു. അവരുടെ പ്രാർത്ഥനകളിൽ പഞ്ചാക്ഷര മന്ത്രമായ “ ഓം നമഃ ശിവായ” എന്ന മന്ത്രം സദാ ഉരുവിട്ടുകൊണ്ടിരിക്കുന്നു. ഇതിനാൽ ശിവ പ്രീതി ലഭിക്കുമെന്ന് വിശ്വസിക്കുന്നു.
      കേരളത്തിൽ പെരിയാറിൻറെ തീരമായ ആലുവയിൽ ശിവരാത്രി അതിവിപുലമായി ആഘോഷിക്കുന്നു. ഭക്തജങ്ങളാൽ നിബിഢമായിരിക്കും ഈ ദിവസങ്ങളിൽ ആലുവാ മണൽ തീരം.

























Abk Mandayi Kdr

Create your badge

No comments: