Sunday, September 22, 2013

ഈ കൊല്ലത്തെ ഓണം : കവിത

Abk Mandayi Kdr

Create your badge


നടു നിവർക്കാനാവുന്നില്ലയീ .....
ഉത്രാട നാളിലെ നാണയ ഭാരം ചുമന്നിട്ട്....
വിരൽ തുമ്പിലമ്മാനമാടുന്നുള്ളിക്ക്....
മഞ്ഞ ലോഹത്തേക്കാൾ തീവില.

ഒരു ചാക്ക് നാണയം പേറി....
ഞാൻ ചന്തയിൽ ചെന്നപ്പോൾ...
ഉള്ളികൾ പുഞ്ചിരിച്ചിരിക്കുന്നാ....
ചില്ലിട്ടലമാരയിൽ.

ഒരു റാത്തലുള്ളിക്കായ് ഞാൻ....
ആവശ്യപ്പെട്ടപ്പോൾ...
കടയിലെ തൊഴിലാളി...
ഊറി ചിരിക്കുന്നു...

ഇവനെന്തഹമ്മതിയെന്ന് ചൊല്ലി...
കെറുവിച്ചപ്പോൾ ......
അയ്യയ്യോ സാറെ പിണങ്ങല്ലേ സാറെ...
ഉള്ളി ഒരു റാത്തൽ വാങ്ങിയാലങ്ങയുടെ...
ചാക്കിലെ പണമെല്ലാം ആവിയായി പോയിടും.

മാവേലി നാടു വാണീടും കാലം...
മാനുഷരെല്ലാം ഒന്നു പോലെ...
ആപത്തെങ്ങാർക്കുമൊട്ടില്ല താനും.
എന്നൊന്നു ചൊല്ലുവാൻ.....
നാവ് സ്തംഭിച്ചു പോയെന്നുടെ.!!!!!