Monday, August 27, 2012

ഇങ്ങനേയും ഒരോണം - കവിത

മാവേലി പാതാളത്തിൽ നിന്ന്....
യാത്രയാരംഭിക്കാനായി മെതിയടി തേടുന്നു....
മഹാരാജനെ വരവേൽക്കാനായി ....
നാടും നാട്ടാരും ഒരുങ്ങി നിൽക്കുന്നു....
ഉപ്പേരി വറുക്കാനായിയമ്മമാർ.....
വെളിച്ചെണ്ണ കടയിൽ ക്യൂ നിൽക്കുന്നു...
ഉപ്പേരിക്കായ് കായ ലോറികളിൽ....
കയറ്റുന്നവനു ഉപ്പേരി തൻ രുചി നാവിലില്ല...
കായ കച്ചവടക്കാരൻ പണക്കൊതിയാൽ....
ശരീരത്തിൽ വിയർപ്പൊട്ടിയ ബനിയനിൽ....
കായക്കറ വകവെക്കാതെ കായ തൂക്കം....
അല്പം കൂട്ടുവാനൊരുമ്പെടുന്നു.

സർക്കാരുദ്ധ്യോഗസ്ഥന്മാർ പോക്കറ്റ്...
കാലിയാകുന്നതോർത്ത് വിലപിക്കുന്നു...
വിദേശ മദ്യഷാപ്പുകളിൽ മധുവിനായ്....
ക്യൂ അധികരിച്ചീടുന്നു....
ക്യൂവിൽ ക്ഷമയോടെ കാത്ത് നിൽക്കുന്നവരിൽ....
മനം നിറയെ ആ ചഷകം നുകരുന്ന ധന്യ...
നിമിഷമോർത്ത് കാനയിൽ നിന്ന് പറന്നുയരും...
കൊതുകിൽ കടിയറിയാതെ ദിവാസ്വപ്നത്തിൽ...
അണിയണിയായ് നിൽക്കവേ ...
ഒരു ബീഡീക്ക് തീകൊളുത്തി നിൽക്കുന്നു.

മാവേലിയെ വരവേൽക്കാനായ് ചാനലുകൾ....
സിനിമകൾ പെയ്തിറക്കുന്നു...
ഓണത്തപ്പനു പൂക്കൾ നൽകാൻ...
അമ്മമാർ വാസനയില്ലാ പ്ലാസ്റ്റിക്ക്...
പൂക്കൾക്കായ് നഗരം ചുറ്റുന്നു.

ഒരു കൊയ്ത്തുത്സവത്തിൻറെ ...
ഗതകാല സ്മരണയിൽ ഞാൻ....
മുഖപുസ്തകത്തിനു മുന്നിലിരുന്ന്.. 
ഓണം ആഘോഷിക്കുന്നു.























Abk Mandayi Kdr

Create your badge